25.05.2026 | 12:20
Սերբիայի նախագահը հայտարարել է հնարավոր հրաժարականի մասին
Թրամփը հայտարարել է, որ «շատ լավ հեռախոսազրույց» է ունեցել Զելենսկիի հետ․ այն մեկ ժամ է տևել
Քաղաքականություն
19.03.2025 | 20:06
ԱՄՆ նախագահ Դոնալդ Թրամփը հայտարարել է, որ «շատ լավ հեռախոսազրույց» է ունեցել իր ուկրաինացի գործընկեր Վլադիմիր Զելենսկիի հետ։
«Ես հենց նոր ավարտեցի Ուկրաինայի նախագահ Զելենսկիի հետ շատ լավ հեռախոսազրույցը։ Այն տևեց մոտ մեկ ժամ»,- գրել է Թրամփը Truth Social-ում։
Նա նշել է, որ քննարկման մեծ մասը հիմնված է եղել ՌԴ նախագահ Պուտինի հետ երեկվա զրույցի վրա՝ Ռուսաստանի և Ուկրաինայի խնդրանքներն ու կարիքները համաձայնեցնելու նպատակով։
«Ամեն ինչ ընթանում է այնպես, ինչպես նախատեսված է, և ես կխնդրեմ պետքարտուղար Մարկո Ռուբիոյին և ազգային անվտանգության հարցերով խորհրդական Մայքլ Ուոլցին ներկայացնել քննարկված թեմաների ճշգրիտ նկարագրությունը։ Այս հայտարարությունը շուտով կհրապարակվի»,- հավելել է ԱՄՆ նախագահը։
Թարգմանությունը՝ Էմմա Չոբանյանի
