08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թրամփ-Պուտին հեռախոսազրույցն ավարտվել է․ այն շուրջ 2 ժամ է տևել
Քաղաքականություն
18.03.2025 | 20:38
Ավարտվել է ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի հեռախոսազրույցը, հայտնել է Կրեմլի խոսնակ Դմիտրի Պեսկովը։
Ամերիկյան NBC News-ի հաղորդմամբ՝ զրույցն ավելի քան մեկուկես ժամ է տևել։
Զրույցից մանրամասներ առայժմ չեն հաղորդվում։
Ավելի վաղ ՌԴ նախագահի մամուլի քարտուղար Դմիտրի Պեսկովն ասել էր, որ «մեծ թվով հարցեր կան՝ կապված երկկողմ հարաբերությունների հետագա կարգավորման, ուկրաինական կարգավորման հետ»։
«Այդ ամենը պետք է քննարկվի երկու նախագահների կողմից։ Մենք ձեզ կտեղեկացնենք այդ զրույցի արդյունքների մասին, ինչպես սովորաբար անում ենք։ Կանենք դա հնարավորինս արագ»,- ընդգծել էր նա։
ՏԱՍՍ-ի հաղորդմամբ՝ ՄԱԿ-ի գլխավոր քարտուղարի ներկայացուցիչը հայտարարել է, որ ՄԱԿ-ը գնահատում է ԱՄՆ-ի և Ռուսաստանի նախագահների միջև կապի պահպանումը։
Երկու երկրների ղեկավարների նախորդ զրույցը տեղի էր ունեցել փետրվարի 12-ին։ Մինչ այս, Ռուսաստանի և ԱՄՆ-ի նախագահները երեք տարի չէին շփվում։ Առաջնորդների միջև փետրվարյան պայմանավորվածությունների մշակմամբ Սաուդյան Արաբիայում կայացել են ռուս-ամերիկյան բարձր մակարդակի բանակցություններ։ Նրանք քննարկել են ինչպես երկկողմ հարաբերությունների վերականգնման, այնպես էլ Ուկրաինայում կարգավորման հարցեր։
