19.02.2026 | 17:11
Վրաստանում օտարերկրացիներ են ձերբակալվել 3 միլիոն դոլարի ուրան և ռադիոակտիվ նյութեր գնելու փորձի ժամանակ
Իսրայելի հարվածների հետևանքով Գազայում զոհերի թիվը գերազանցել է 400-ը
Քաղաքականություն
18.03.2025 | 18:03
Գազայի հատվածում Իսրայելի վերսկսված հարվածների հետևանքով զոհերի թիվը հասել է 404-ի: Այս մասին հայտնել է Գազայի առողջապահության նախարարությունը՝ հավելելով, որ մի քանի մարդ մնացել է փլատակների տակ, գրում է CNN-ը։
Եվս 562 մարդ տուժել է։ Գազայի քաղաքացիական պաշտպանության խոսնակ Մահմուդ Բասալը CNN-ին ասել է, որ «ավելի քան 130 երեխա և բազմաթիվ կանայք» սպանվել են, այդ թվում՝ ամբողջ ընտանիքներ։
«Մենք գտնվում ենք շատ ծանր իրավիճակում, և մեր ջանքերը բժշկության և քաղաքացիական պաշտպանության ոլորտում համարժեք չեն աղետի մասշտաբներին»,- ասել է Բասալը։
Պաղեստինի նախագահ Մահմուդ Աբբասն էլ կոչ է արել միջազգային հանրությանը՝ «ստիպել» Իսրայելին դադարեցնել «ագրեսիան»։
Աբբասի խոսնակ Նաբիլ Աբու Ռուդեյնեն հայտարարությամբ դատապարտել է իսրայելական հարվածները և կոչ է արել «միջազգային հանրությանը՝ ստիպել օկուպանտներին դադարեցնել ագրեսիան պաղեստինցի ժողովրդի դեմ ամբողջ Գազայի հատվածում»։
Թարգմանությունը՝ Էմմա Չոբանյանի
