17.07.2026 | 20:21
Գևորգ Պապոյանի գլխավորությամբ քննարկվել են արտահանման աջակցության և անասնաբուժության ոլորտի ծրագրերը
Ադրբեջանական SOCAR-ն Իսրայելի ջրերում բնական գազի հետախուզման արտոնագիր է ստացել
Քաղաքականություն
17.03.2025 | 21:13
Ադրբեջանի պետական նավթային ընկերությունը (SOCAR) Իսրայելի բլոկներից մեկում բնական գազի հետախուզման արտոնագիր է ստացել։ Ադրբեջանական լրատվամիջոցների հաղորդմամբ՝ այս մասին հայտնել է երկրի էկոնոմիկայի նախարար Միքայիլ Ջաբբարովը։
«Իսրայել աշխատանքային այցի շրջանակում մենք SOCAR-ի նախագահ Ռովշան Նաջաֆի հետ միասին մասնակցել ենք Իսրայելի բացառիկ տնտեսական գոտու առաջին բլոկի հետախուզման արտոնագրերի տրամադրման արարողությանը։ Այս արտոնագրերն ունեն ռազմավարական առավելություններ SOCAR-ի միջազգային դիրքերի ամրապնդման և նորարարական պրակտիկաների կիրառման առումով»,- նշել է Ջաբբարովը։
Հիշեցնենք, որ Ադրբեջանի պետական նավթային ընկերությունը (SOCAR) իսրայելցի գործարար Ահարոն Ֆրենկելից ձեռք էր բերել երկրի՝ Միջերկրական ծովի ափին գտնվող Թամարի բնական գազի հանքավայրի 10 տոկոս բաժնետոմսերը։
Թարգմանությունը՝ Էմմա Չոբանյանի
