ԿԸՀ-ն հաստատել է Գյումրիի ընտրություններում Հանրային հեռարձակողների եթերաժամի տրամադրման կարգը

Կենտրոնական ընտրական հանձնաժողովը մարտի 11-ի արտահերթ նիստում հաստատել է 2025 թվականի մարտի 30-ի Գյումրի համայնքի ավագանու արտահերթ ընտրություններին մասնակցող կուսակցություններին, կուսակցու­թյուն­ների դաշինքներին Հանրային հեռուստատեսությամբ եւ հանրային ռադիոյով, ինչպես նաեւ ՀՀ-ում հիմնադրված հանրային մուլտիպլեքսի` Շիրակի մարզում սփռում ապահովող սլոթի օգտագործման լիցենզիա ունեցող հեռարձակողի կողմից  եթերաժամ տրամադրելու կարգը  եւ ժամանակացույցը։

ԿԸՀ հաղորդագրության համաձայն՝ «Հանրային հեռուստաընկերության առաջին ալիք» և «Առաջինի լրատվական ալիք» ծրագրերից յուրաքանչյուրով տրամադրվում է ոչ ավելի, քան 20 րոպե անվճար՝ օրական ոչ ավելի քան 2 րոպե, ըստ այդմ՝

1) 2025թ. մարտի 15-ից մինչև 2025թ. մարտի 24-ը ներառյալ (10 օր)՝ օրը 1 րոպե անվճար և մինչև 2 րոպե վճարովի հիմունքներով.

2) 2025թ. մարտի 25-ին և 26-ին (2 օր)՝ օրը  2 րոպե անվճար և մինչև 2 րոպե վճարովի հիմունքներով.

3) 2025թ. մարտի 27-ին և 28-ին (2 օր)՝ օրը 3 րոպե անվճար և մինչև 2 րոպե վճարովի հիմունքներով։

Եթերաժամերը կտրամադրվեն ժամը 18:00-ից։

Գյումրի համայնքի ավագանու 2025 թվականի մարտի 30-ի արտահերթ ընտրություններին մասնակցող կուսակցությանը նախընտրական քարոզչություն իրականացնելու նպատակով հանրային ռադիոյի «Առաջին ծրագիր» լսողական ծրագրով՝ 2025թ. մարտի 15-ից մինչև 2025թ. մարտի 28-ը ներառյալ (14 օր) տրամադրվում է՝ օրը 1 րոպե անվճար և մինչև 2 րոպե վճարովի հիմունքներով եթերաժամ: Եթերաժամը տրամադրվում է ժամը 13:30-ից։

Հանրային հեռուստատեսության կամ հանրային ռադիոյի վճարովի եթերաժամը տրամադրվում է անվճար եթերաժամանակի հետ միաժամանակ՝ սահմանված հերթին համապատասխան: