07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Ադրբեջանի և Վրաստանի ԱԳ նախարարները տարածաշրջանային հարցեր են քննարկել
Քաղաքականություն
06.03.2025 | 17:51
Ադրբեջանի արտաքին գործերի նախարար Ջեյհուն Բայրամովը և Վրաստանի արտաքին գործերի նախարար Մակա Բոճորիշվիլին հեռախոսազրույցի ընթացքում քննարկել են երկու երկրների միջև բարեկամական հարաբերությունների և ռազմավարական գործընկերության զարգացման ներկա վիճակը և հեռանկարները։
Ադրբեջանական կողմի հաղորդմամբ՝ ընդգծվել է, որ երկու երկրների միջև ամենաբարձր մակարդակով առկա քաղաքական երկխոսությունը, ինտենսիվ այցելությունները, քաղաքական խորհրդակցությունների մեխանիզմը նպաստում են հարաբերությունների հետագա ամրապնդմանը։ Նշվել է այս տարի նման քաղաքական շփումների հետագա ընդլայնման կարևորությունը։
Նախարարները մտքեր են փոխանակել նաև տարածաշրջանային խնդիրների շուրջ։
ՀՀ ԱԳՆ հաղորդմամբ՝ Վրաստանի ԱԳ նախարարը այսօր հեռախոսազրույց է ունեցել նաև Հայաստանի արտգործնախարար Արարատ Միրզոյանի հետ։
Թարգմանությունը՝ Էմմա Չոբանյանի
