24.06.2026 | 21:57
Ցանկանում եմ, որ տարածաշրջանում պատերազմ չլինի․ Ալիևն ընդունել է Իրանի խորհրդարանի նախագահին
Լավրովը Մակրոնի միջուկային հռետորաբանությունը ՌԴ-ի համար սպառնալիք է անվանել
Քաղաքականություն
06.03.2025 | 16:04
ՌԴ ԱԳ նախարար Սերգեյ Լավրովը մամուլի ասուլիսի ժամանակ հայտարարել է, որ Ֆրանսիայի նախագահ Էմանուել Մակրոնի միջուկային հռետորաբանությունը սպառնալիք է Ռուսաստանի համար, փոխանցում է Ինտեֆաքսը։
«Իհարկե, դա սպառնալիք է Ռուսաստանի հասցեին։ Եթե նա մեզ սպառնալիք է համարում, հրավիրում է եվրոպական երկրների և Մեծ Բրիտանիայի գլխավոր շտաբների պետերի նիստ, ասում է, որ անհրաժեշտ է միջուկային զենք կիրառել, պատրաստվում է միջուկային զենքի կիրառման Ռուսաստանի դեմ, իհարկե, դա սպառնալիք է»,- ասել է Լավրովը։
Նա նաև նշել է, որ Մակրոնը «պարբերաբար հայտարարում է, որ կզանգահարի ՌԴ նախագահ Պուտինին և անպայման կխոսի նրա հետ։
«Նման հնարավորություններ կան, ոչ ոք չի արգելում, հակառակը, նախագահը մշտապես ընդգծում է իր բաց լինելը բոլոր գործընկերների հետ շփումների համար»,- հավելել է ՌԴ ԱԳ նախարարը։
Հիշեցնենք, որ նախօրեին ժողովրդին ուղղված ուղերձում Մակրոնը նշել է, որ քննարկում կսկսի, թե ինչպես կարող է Ֆրանսիան պաշտպանել իր եվրոպացի դաշնակիցներին միջուկային զենքով՝ հավելելով, որ Փարիզը կպահպանի իր միջուկային զենքի վերահսկողությունը:
Թարգմանությունը՝ Էմմա Չոբանյանի
