25.05.2026 | 17:53
Դատախազությունում թեժ գիծ է գործարկվել ընտրական հանցագործությունների վերաբերյալ հաղորդումների համար
Մի շարք ոլորտներում շրջանառության 5% հարկը կդառնա 1%. Մխիթար Հայրապետյան․ ՏԵՍԱՆՅՈՒԹ
Տնտեսություն
06.03.2025 | 12:35
ՀՀ կառավարությունը 2025 թվականից կմեկնարկի յոթամյա նոր ծրագիր, որը նպատակ ունի աջակցել բարձր տեխնոլոգիաների ոլորտի զարգացմանը։ Կառավարության այսօրվա նիստում ասաց ՀՀ ԲՏԱ նախարար Մխիթար Հայրապետյանը։
Ծրագիրը բաղկացած է երկու հիմնական գործիքակազմից, որոնցից առաջինը աջակցության ծրագրերն են, որոնք կենտրոնանալու են երեք հիմնական ուղղությունների վրա։
«2022 թվականի մարտի 1-ից ներգրավված կամ ներգրավվող աշխատանքային միգրանտների դեպքում ընկերությունները կստանան եկամտահարկի 60 տոկոս աջակցություն։ Եկամտահարկի 60 տոկոսը կվերադարձվի այն ընկերություններին, որոնք կընդունեն նորավարտ բուհական շրջանավարտների, ինչպես նաև վերամասնագիտացված մասնագետների։ Եկամտահարկի 50 տոկոս աջակցություն կտրամադրվի այն ընկերություններին, որոնք ներգրավում են վերապատրաստվող աշխատակիցների»,- նախագիծը ներկայացրեց Մխիթար Հայրապետյանը։
2025 թվականի հունվարի 1-ից ծրագրի շահառու կարող են դառնալ համակարգիչների և օպտիկական սարքավորումների արտադրության, օդանավերի և տիեզերանավերի արտադրության, ծրագրային ապահովման մշակման, տեղեկատվական ծառայությունների մատուցման ոլորտներում գործող ընկերությունները։
Իսկ այս ոլորտներում աշխատողների շրջանառության հարկը 5%-ից կդառնա 1%։
Մանրամասները՝ տեսանյութում։
