ԱԺ-Կառավարություն հարցուպատասխանի ժամանակ «Հայաստան» խմբակցության պատգամավոր Արման Ղազարյանը տեղեկացրեց, որ մարզային այցի ժամանակ Վարդենիս խոշորացված համայնքի բնակիչներն իրեն ահազանգել են, որ օպտիմալացման արդյունքում դիահերձարանը փակվում է։
«Մահացածին 70 կմ պետք է տեղափոխե՞ն՝ հերձելու համար։ Հիմա ի՞նչ հիմնավորմամբ է համայնքի դիահերձարանը փակվել, կա՞, արդյոք, ժամանակացույց դիահերձարանի վերագործարկման համար»,- առողջապահության նախարարին հարցրեց ընդդիմադիր պատգամավորը։
Անահիտ Ավանեսյանն ասաց, որ վերանորոգվում և բժշկական սարքավորումներում է վերազինվում Վարդենիսի բժշկական կենտրոնը, դրան զուգահեռ՝ կառուցվելու է նոր հիվանդանոց։
«Այդ հարցի լուծումը տվել ենք․ Վարդենիսում, Մեղրիում, որտեղ դիահերձարանը մոտ չէ, պետությունը փոխհատուցում է տեղափոխման համար»,- պարզաբանեց նախարարը։
Մանրամասները՝ տեսանյութում։
