08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ը Ստամբուլի բանակցություններից հետո ՌԴ դեսպանի նշանակման ագրեման է տվել
Քաղաքականություն
28.02.2025 | 18:40
ԱՄՆ-ն Ռուսաստանի նոր դեսպան Ալեքսանդր Դարչիևի նշանակման ագրեման է տվել։ Այս մասին հայտնում է ՌԴ ԱԳՆ-ն։
Տարածված հաղորդագրության մեջ ասվում է, որ փետրվարի 27-ին Ստամբուլում տեղի ունեցած երկու երկրների դիվանագիտական ներկայացուցչությունների գործունեության կարգավորման հարցերի շուրջ Ռուսաստանի և ԱՄՆ-ի պատվիրակությունների միջև խորհրդակցությունների ընթացքում ամերիկյան կողմը պաշտոնական նոտա է փոխանցել ՌԴ ԱԳՆ Հյուսիսատլանտյան դեպարտամենտի տնօրեն Ալեքսանդր Դարչիևին՝ ԱՄՆ-ում Ռուսաստանի Դաշնության նոր արտակարգ և լիազոր դեսպան նշանակելու վերաբերյալ։
Նշվում է, որ նրա մեկնումը Վաշինգտոն սպասվում է առաջիկայում։
Նախօրեին Ստամբուլում բանակցություններ են կայացել Ռուսաստանի և ԱՄՆ-ի պատվիրակությունների միջև՝ նվիրված երկու երկրների դեսպանատների աշխատանքի կարգավորմանը։
Թարգմանությունը՝ Էմմա Չոբանյանի
