Այս հինգ ամիսներին ի՞նչն էր խանգարում Հանրայինին՝ բանավեճեր կազմակերպել. Լևոն Բարսեղյան. ՏԵՍԱՆՅՈՒԹ

Այս հինգ ամիսներին ի՞նչն էր խանգարում Հանրայինին՝ բանավեճեր կազմակերպել: «Հանրային հեռուստաընկերության դերը նոր Հայաստանի կայացման գործում» թեմայով քննարկման ժամանակ ասաց Գյումրիի լրագրողների «Ասպարեզ» ակումբի նախագահ Լևոն Բարսեղյանը:

«Անցած 5 ամիսների ընթացքում՝ հեղափոխությունից հետո, ամեն օր հանրությունը տարված է զանազան ցնցող լուրերով՝ ձերբակալություններ, կալանքի փոխարինում ստորագրությամբ, փողեր, տուշոնկա և այլն, և այլն: Ես պատկերացնում էի, որ Հանրայինն օրական երեք-չորս ժամ, երեք-չորս հատ բանավիճային, բազմակարծիք, բազմամասնակցային հաղորդում պիտի ապահովեր, որը շատ թանկ հաճույք չէ: Եթե բովանդակությունը կա, կարիք չկա զոռը տալ տաղավարին, դիզայնին, գրաֆիկային: Ի՞նչն էր խանգարում այս հինգ ամիսների ընթացքում հրավիրել տարբեր մարդկանց և քննարկել թեմաներ, որոնցից ֆեյսբուքը եռում է, տրաքվում է ուղղակի»,- ասաց Լևոն Բարսեղյանը:

Նրա խոսքով՝ Հանրային հեռուստաընկերությունը ստեղծման օրից այդպես էլ չկարողացավ բազմակարծություն ապահովել:

«1996-97 թվականներից մասնակցել ենք Հանրային հեռուստառադիոընկերություն ստեղծելու մասին օրենքը գրելուն, և մեր երազանքներում այդ հեռուստաընկերությունը բոլորովին այն չէր, ինչ մենք ունեցանք անցյալ 17 տարիների ընթացքում: Շատ հասարակ պատճառով. չապահովվեց բազմակարծությունը: Մնացածը մի քիչ կողքի դնել, որովհետև ածանցյալ է էս առաջին նախապայմանին»,- ասաց Բարսեղյանը:

Մանրամասները՝ տեսանյութում