25.05.2026 | 23:29
Բողոքի ցույցերից հետո Էրդողանը վերաբացել է Ստամբուլի հայտնի համալսարանը
Էդգար Ղազարյանին մեղադրանք է առաջադրվել
Քաղաքականություն
21.02.2025 | 22:40
Լեհաստանում Հայաստանի արտակարգ և լիազոր նախկին դեսպան, քաղաքական գործիչ Էդգար Ղազարյանին դատավորին արատավորելու մեղադրանք է ներկայացվել՝ կապված նրա մասնագիտական գործունեության հետ (Քրեական օրենսգրքի 490-րդ հոդվածի 2-րդ մաս ): Այս մասին հայտնում է Ղազարյանի փաստաբան Ռուբեն Մելիքյանը: Այս հոդվածով նախատեսվում է երկուսից մինչև 5 տարի ժամկետով ազատազրկում:
Մելիքյանը հայտնեց, որ քննիչն իրենց նախազգուշացրել է նախաքննական գաղտնիք չհրապարակելու վերաբերյալ, ընդ որում՝ խոսքը ոչ միայն քննիչի կողմից ձեռք բերված տվյալները չհրապարակելու, այլ նաև մեղադրանքի վերաբերյալ իրենց հայտնի փաստական տվյալները չհրապարակելու մասին է: Փաստաբանը, այնուամենայիվ, չմանրամասնելով մեղադրանքի հստակ բովանդակությունը, նշեց, որ Ղազարյանին մեղադրանք է ներկայացվել իր կողմից հայտնած հրապարակային խոսքի համար: Օրինակ՝ անկախության հռչակագրին ՍԴ որոշմամբ տված մեկնաբանությունից հետո Ղազարյանը քննադատել է այս որոշումը կայացրած դատավորներին կամ կարծիք է հայտնել, որ Սահմանադրական դատարանի դատավոր Վահե Գրիգորյանը ապօրինի է դարձել ՍԴ դատավոր:
Ղազարյանի նկատմամբ նաև բացակայելու արգելք խափանման միջոց է ընտրվել, քննիչը հայտնել է նաև, որ պատրաստվում են դիմել դատարան՝ Ղազարյանի նկատմամբ վարչական հսկողություն խափանման միջոց ընտրելու համար:
Արաքս Մամուլյան
