24.06.2026 | 14:40
Մարգարիա Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
Վերցնում են բահերն ու հայդե. ինչ է անում քաղաքապետարանը կանխատեսված տեղումների ժամանակ. ԵզրաԿԱՑՈւԹՅՈւՆ
Քաղաքականություն
20.02.2025 | 21:13
«Շատ կարևոր է, որ փետրվարի 20-ին կանխատեսվող ձյան տեղումների ընթացքում ամբողջ ծավալով պատրաստ լինենք ձնամաքրման աշխատանքներին: Բոլորս գիտենք, որ փետրվարի 20-ին տեղումներ են լինելու»,- փետրվարի 17-ի գործակարգավարական խորհրդակցության ժամանակ ասել էր Երևանի քաղաքապետ Տիգրան Ավինյանը։
Արդեն այսօր՝ փետրվարի 20-ին, մարդիկ մնացել են կանգառներում, քանի որ առատ ձյան պատճառով ավտոբուսները կանգ են առել փողոցներում։ Ամբողջ մայրաքաղաքում երթևեկությունը կաթվածահար է, ըստ Yandex քարտեզի՝ Երևանում այս պահին 10 բալանոց խցանումներ են։
Ի դեպ, 2016 թվականին, երբ Երևանի քաղաքապետը ՀՀԿ-ական Տարոն Մարգարյանն էր, այդ ժամանակ ակտիվիստ Տիգրան Ավինյանը ֆեյսբուքյան էջում այսպիսի մի գրառում էր արել․ «Եթե ձյուն մաքրելու տեխնիկա չկա, լուծումը հետևյալն ա. քաղաքապետարանի անձնակազմը, Տարոնի գլխավորությամբ, վերցնում են բահերը (լապատկա) ու հայդե փողոցներով ձյուն մաքրելու»։
Ի դեպ, քիչ առաջ Տիգրան Ավինյանը ֆեյբուքյան իր էջից հեռացրել է այդ գրառումը։
Մանրամասները՝ տեսանյութում։
Արփի Հակոբյան
