09.10.2026 | 11:32
Փաշինյանը հայտարարել է, որ Հայաստանի և Ադրբեջանի միջև խաղաղությունը կայացած փաստ է
Թայվանը բանակցում է ԱՄՆ-ից զենք գնելու շուրջ
Քաղաքականություն
18.02.2025 | 21:03
Թայվանը նախատեսում է ԱՄՆ-ից 7-ից 10 միլիարդ դոլարի զենք գնել: Փաթեթը պետք է ներառի առափնյա պաշտպանության թևավոր հրթիռներ, HIMARS և այլ ճշգրիտ զենքեր։ Այս մասին հայտնում է Reuters-ը՝ հղում անելով սեփական աղբյուրներին։
Նշվում է, որ Թայբեյը հույս ունի ստանալ նախագահ Դոնալդ Թրամփի վարչակազմի աջակցությունը՝ կղզու վրա Չինաստանի ճնշման պատճառով։
Հաղորդվում է, որ Թայվանը նաև պատրաստվում է առաջարկել պաշտպանական հատուկ բյուջե, որն առաջնահերթություն կտա ճշգրիտ կառավարվող զինամթերքին, հակաօդային պաշտպանության արդիականացմանը, հրամանատարության և կառավարման համակարգերին, պահեստային ուժերի սարքավորումներին և հակաօդային սարքերի տեխնոլոգիաներին:
ԱՄՆ ազգային անվտանգության հարցերով խորհրդական Մայք Ուոլցը գործակալությանը հայտնել է, որ ցանկանում է արագացնել զենքի մատակարարումը կղզային երկրին։
Թայվանի պաշտպանության նախարարությունը հրաժարվել է մեկնաբանել գնումների մանրամասները, սակայն նշել է, որ կենտրոնացած է պաշտպանությունը զարգացնելու ուղղությամբ:
Թարգմանությունը՝ Տաթև Ֆռանգյանի
