10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Լոնդոնում Ադրբեջանի նախկին դեսպանը սեռական ոտնձգությունների համար բրիտանական դատարանի կողմից ազատազրկման է դատապարտվել
Հասարակություն
14.02.2025 | 22:52
Մեծ Բրիտանիայում Ադրբեջանի նախկին դեսպանը Չեշիրի վերականգնողական կլինիկայում գտնվելու ժամանակ սեռական ոտնձգության է ենթարկել երեք կին աշխատակիցների։ Այս մասին ասվում է դատարանի հաղորդագրությունում։
Նշվում է, որ Ռաֆայել Իբրահիմովը կլինիկայում բուժվում էր քնաբեր հաբերից կախվածությունից: Չեսթերի թագավորական դատարանը Chester Crown Court-ը լսել է գործը, ըստ որի՝ նա հարբած, կոպիտ և ագրեսիվ է եղել 2023 թվականի դեկտեմբերի 5-ին հիվանդանոց ժամանելուն պես:
Դատախազ Ջոշուա Գորստը հայտնել է, որ նա սեռական ոտնձգություն է կատարել երեք աշխատակցների նկատմամբ՝ դիպչելով մի կնոջ կրծքերին, բազմիցս համբուրելով բոլոր երեք կանանց ձեռքերը:
«Նա ասել է նրանց, որ նրանք գեղեցիկ տիկնայք են և որ սիրում է նրանց»,- ասել է դատախազը։
Դատական նիստի ընթացքում տուժողներն ասել են, որ միջադեպից հետո իրենց անհանգստացնում էր այլ տղամարդկանց հետ աշխատելը՝ սեռական ոտնձգությունների պատճառով:
Իբրահիմովը, որը նաև դեսպան է եղել Նորվեգիայում և Շվեդիայում, իրեն մեղավոր է ճանաչել սեռական ոտնձգությունների հինգ հոդվածներով և անցյալ տարի սեռական ոտնձգության փորձի մեկ դեպքի համար։
Իբրահիմովը դատապարտվել է 16 ամսվա պայմանական ազատազրկման՝ երկու տարի ժամկետով, 20 օրվա վերականգնողական աշխատանքների և 200 ժամ չվճարվող աշխատանքի։ Նա 10 տարի պետք է լինի սեռական հանցագործների ռեգիստրում:
Դատավոր Պատրիկ Թոմփսոնն ասել է, որ նրա գործողությունները «ստոր» և «կեղտոտ» են և բնորոշ չեն գրեթե 60 տարեկան տղամարդու, որը նախկինում դատվածություն չի ունեցել։
«Դուք ունեք խիստ անձնական մեղմացուցիչ հանգամանքներ, և թեև դրանք լուրջ սխալներ են, բայց դրանք ձեր առաջին լուրջ սխալներն են»,- ասել է նա։
Թարգմանությունը՝ Էմմա Չոբանյանի
