10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Էրդողանը Գազայի վերաբերյալ Թրամփի պլանը «լուրջ սպառնալիք» է անվանել համաշխարհային խաղաղության համար
Քաղաքականություն
14.02.2025 | 13:46
Թուրքիայի նախագահ Ռեջեփ Թայիփ Էրդողանը հայտարարել է, որ Գազայի հատվածից պաղեստինցիներին տեղահանելու՝ ԱՄՆ նախագահ Դոնալդ Թրամփի ծրագիրը մեծ վտանգ է ներկայացնում համաշխարհային խաղաղության համար, գրում է Duvar-ը։
Ինդոնեզական Narasi հեռուստաընկերության եթերում Էրդողանն անդրադարձել է Թրամփի՝ Գազայի հատվածից ավելի քան 2 միլիոն պաղեստինցիներին հեռացնելու, այն ԱՄՆ-ի վերահսկողությանը փոխանցելու և «Մերձավոր Արևելքի Ռիվիերայի» վերածելու ծրագրին։
«Ես Թրամփի որոշումը՝ նման համաձայնություն կնքելու այնպիսի մարդասպանի հետ, ինչպիսին [Իսրայելի վարչապետ Բենիամին] Նեթանյահուն է, ինչպես նաև նրա սպառնալիքները դիտարկում եմ որպես համաշխարհային խաղաղության գլխավոր սպառնալիք։ անվանել է», – ասել է Էրդողանը։
Թուրքիայի նախագահը նաև նշել է, որ ճիշտ չի համարում Թրամփի հայտարարությունները, որոնք նա անվանել է «մարտահրավեր աշխարհի շատ երկրների համար»։
Հավելենք, որ արաբական աշխարհը՝ զայրույթ, իսկ եվրոպական տերությունները՝ խորը մտահոգություն էին հայտնել Թրամփի առաջարկի առնչությամբ։
Թարգմանությունը՝ Էմմա Չոբանյանի
