06.11.2026 | 15:03
Դավիթ Ղազինյանի ասուլիսը՝ ՈԻՂԻՂ
ԵՄ-ի հետ մեր քաղաքական երկխոսությունը գնացել է շատ ավելի առաջ, քան մեր տնտեսական հարաբերությունները․ ՏԵՍԱՆՅՈՒԹ
Քաղաքականություն
11.02.2025 | 16:30
«Այն օրը, երբ ՀՀ-ն ԵՄ-ի հետ ազատ առևտրի համաձայնագիր ստորագրի և ուժի մեջ մտնի, այդ օրը չենք կարող լինել ԵՏՄ անդամ»,- այս մասին ԱԺ-ում ԵՄ անդամակցության գործընթացի մեկնարկի մասին նախագծի քննարկման ժամանակ ասաց ՔՊ պատգամավոր Արման Եղոյանը։ Ըստ նրա՝ ԵՄ-ի հետ մեր քաղաքական երկխոսությունը գնացել է շատ ավելի առաջ, քան մեր տնտեսական հարաբերությունները։
Եղոյանը նաև ներկայացրեց նախատեսվող քայլերն ազատ առևտրի համաձայնագրի ստորագրումից հետո, այն է՝ դրանից հետո պետք է լինի անդամության թեկնածության հայտ, ապա՝ այդ թեկնածության կարգավիճակի շնորհում, ապա՝ անդամակցության բանակցությունների մեկնարկ, որի համար էլի պետք է լինելու առանձին որոշում:
«Նույնիսկ շատ-շատ արագ, նույնիսկ շատ-շատ բարենպաստ աշխարհաքաղաքական պայմանների պարագայում այս բոլոր փուլերն անցնելը մեզանից կպահանջի տարիներ, եթե ոչ՝ ընդհուպ տասնամյակ»,- ասաց նա՝ հիշեցնելով, որ կան երկրներ, որ այս գործընթացում տասնամյակով իրենց հերթին են սպասում։
Մանրամասները՝ տեսանյութում։
