30.04.2026 | 13:18
Իսրայելը մի քանի նավ է կալանավորել Գազայի օգնության նավատորմից
Սլովակիան սկսել է «Թուրքական հոսք»-ով ռուսական գազ ստանալ
Քաղաքականություն
06.02.2025 | 19:58
Սլովակիայի գազի տարանցման SPP ընկերությունը հայտարարել է, որ երկիրն այժմ ռուսական գազ է ստանում Թուրքիայի տարածքո՝ այն բանից հետո, երբ Ուկրաինան դադարեցրել է գազի տարանցումն իր տարածքով, գրում է AFP-ն։
2022 թվականի փետրվարից ռուսական ներխուժման դեմ պայքարող Ուկրաինան տարեսկզբին դադարեցրել է մատակարարումները Արևմուտք: Ուկրաինայի նախագահ Վլադիմիր Զելենսկին հայտարարել է, որ այդ քայլը նպատակ ունի թույլ չտալ Մոսկվային գումար հայթայթել պատերազմի ֆինանսավորման համար:
ԵՄ անդամ Սլովակիան քննադատել էր որոշումը։ Երկրի վարչապետ Ռոբերտ Ֆիցոն, որը Կրեմլի սակավաթիվ դաշնակիցներից մեկն է Եվրամիության կազմում, անցյալ տարվա վերջին մեկնել էր Մոսկվա՝ մատակարարումների շուրջ բանակցություններ վարելու ՌԴ նախագահ Վլադիմիր Պուտինի հետ:
«Ռուսական «Գազպրոմ» ընկերությունը մասամբ վերսկսել է գազի մատակարարումները SPP-ի համար։ Դրանք անցկացվում են հարավային երթուղով՝ «Թուրքական հոսք»-ով և Հունգարիայով դեպի Սլովակիա»,- AFP-ին ասել է SPP-ի ներկայացուցիչ Օնդրեյ Սեբեստան։
Սլովակիայի Dennik N լրատվամիջոցն էլ, վկայակոչելեով SPP-ի գործադիր տնօրեն Վոյտեխ Ֆերենցին, հայտնել է, որ «Թուրքական հոսքի» միջոցով մատակարարումները սկսվել են փետրվարի 1-ին, և որ ապրիլին ծավալը կկրկնապատկվի։
«Թուրքական հոսքն» անցնում է 930 կիլոմետր (580 մղոն) Սև ծովի հատակով՝ ռուսական Անապա քաղաքից մինչև Թուրքիայի հյուսիս-արևմուտքում գտնվող Քիյիքոյ: Այնուհետև այն միանում է վերգետնյա խողովակաշարերին, որոնք Բալկաններով հասնում են Եվրոպա՝ մատակարարելով ԵՄ անդամ Հունգարիային՝ Սլովակիայի հարավային հարևանին:
Հիշեցնենք, որ ավելի վաղ Ռոբերտ Ֆիցոն հայտարարել էր նաև, որ ԵՄ էներգետիկայի և բնակարանային հարցերով հանձնակատար Դեն Յորգենսենի հետ քննարկել է Ուկրաինայի տարածքով դեպի Սլովակիա ադրբեջանական գազի փոխադրման հարցը։
Թարգմանությունը՝ Էմմա Չոբանյանի
