10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գավրիելյանին. ՏԵՍԱՆՅՈՒԹ
Թրամփը հայտարարել է, որ մարտերի ավարտից հետո Իսրայելը Գազան կփոխանցի ԱՄՆ-ին
Քաղաքականություն
06.02.2025 | 20:14
ԱՄՆ նախագահ Դոնալդ Թրամփը հայտարարել է, որ Իսրայելը մարտերի ավարտից հետո Գազայի հատվածը կհանձնի ԱՄՆ-ին, և որ այնտեղ ամերիկացի զինվորների կարիք չի լինի։
«Իսրայելը Գազայի հատվածը մարտերի ավարտից հետո կփոխանցի ԱՄՆ-ին: Պաղեստինցիները, Չակ Շումերի պես մարդկանց նման, արդեն վերաբնակեցված կլինեին տարածաշրջանում շատ ավելի ապահով և գեղեցիկ համայնքներում՝ նոր և ժամանակակից տներով: Նրանք իրականում երջանիկ, ապահով և ազատ լինելու հնարավորություն կունենան»,-գրել է Թրամփը Truth Social սոցցանցում։
Նա հավելել է, որ ԱՄՆ-ը, աշխատելով զարգացման մեծ թիմերի հետ ամբողջ աշխարհից, դանդաղ և զգույշ կսկսի շինարարությունը, որը կդառնա երկրագնդի վրա իր տեսակի մեջ ամենամեծ և տպավորիչ զարգացումներից մեկը:
«ԱՄՆ-ի կողմից զինվորների կարիք չկա։ Տարածաշրջանում կայունություն է տիրելու»,- հավելել է ԱՄՆ նախագահը։
Հիշեցնենք, որ ավելի վաղ Թրամփն առաջարկել էր Գազան հանձնել ԱՄՆ-ի վերահսկողությանը, իսկ պաղեստինցիներին՝ հեռանալ այնտեղից։
Թարգմանությունը՝ Էմմա Չոբանյանի
