14.05.2026 | 17:45
Ձերբակալվել են Բրյուսովի համալսարանի մի քանի դասախոսներ, այդ թվում՝ ամբիոնի վարիչ Գայանե Եղիազարյանը
ԿԲ-ն որոշել է կապիտալի հակացիկլիկ շեմը թողնել անփոփոխ՝ ռիսկով կշռված ակտիվների 1.75%-ի չափով
Տնտեսություն
31.01.2025 | 19:22
2025 թվականի հունվարի 29-ի նիստում ԿԲ խորհուրդը որոշել է կապիտալի հակացիկլիկ շեմը թողնել անփոփոխ՝ ռիսկով կշռված ակտիվների 1.75%-ի չափով։ Այս մասին տեղեկացնում է ԿԲ-ն։
«Որոշման հիմքում ընկած են մակրոֆինանսական և վարկավորման շուկայի զարգացումների համապարփակ վերլուծության հետևյալ դրույթները՝
1. Ֆինանսական ցիկլի ինդեքսը շարունակել է աճել:
2. Տարվա ընթացքում վարկային պորտֆելի տարեկան աճի տեմպերը պահպանվել են բարձր մակարդակում։
3. Անշարժ գույքի շուկայում, չնայած աճի տեմպերի որոշակի նվազմանը, գների բարձր մակարդակը պահպանվել է (եկամտահարկի վերադարձի ծրագրի աստիճանական դադարեցմամբ և հիպոտեկային շուկայի հնարավոր հագեցվածությամբ պայմանավորված՝ հավանական է համարվում ակտիվության հետագա դանդաղումը այս շուկայում):
4. Ընթացիկ փուլում ֆինանսական ցիկլի անսպասելի կորուստների գնահատականը գրեթե անփոփոխ է մնացել, և ներկայիս կապիտալի հակացիկլիկ բուֆերի չափը բավարար է անսպասելի կորուստների կլանման համար։
ԿՀԲ դրույքաչափի ապագա փոփոխությունները (ինչպես բարձրացման, այնպես էլ իջեցման ուղղությամբ) կածանցվեն մակրոֆինանսական պայմանների, անորոշությունների և համակարգային ռիսկերի զարգացման հետագա ընթացքից»,- ասված է հաղորդագրությունում։
