25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
ԵԽԽՎ-ն բանաձև է ընդունել Ուկրաինայում խաղաղության մասին
Քաղաքականություն
30.01.2025 | 20:13
Եվրոպայի խորհրդի Խորհրդարանական վեհաժողովը (ԵԽԽՎ) հավանություն է տվել բանաձևին, որում ձևակերպել է իր դիրքորոշումը Ուկրաինայում խաղաղության վերաբերյալ։ Այս մասին հայտնի է դարձել հունվարի 30-ին։
Ստրասբուրգում ԵԽԽՎ նստաշրջանում համապատասխան փաստաթուղթը պաշտպանել է 86 պատգամավոր, 6-ը՝ ձեռնպահ, ոչ ոք դեմ չի արտահայտվել։
«Խաղաղության հասնելուն ուղղված դիվանագիտական ջանքերի ակտիվացումը պետք է աջակցի և լրացնի «խաղաղություն ուժի միջոցով» սկզբունքը, որը սահմանվել է Ուկրաինայի իշխանությունների կողմից։ Այս սկզբունքը, ի թիվս այլ բաների, ընդգծում է, որ կայուն խաղաղության բանակցությունները կարող են իրականացվել միայն կայունության և ուժեղ պաշտպանունակության դիրքերից, և որ արդար ու տևական խաղաղությունը կարող է ապահովվել միայն Ուկրաինայի համար անվտանգության համապատասխան երաշխիքներով»,- ասվում է բանաձևում։
Ընդհանուր առմամբ, փաստաթուղթը բազմիցս ընդգծում է հավատարմությունը «խաղաղություն ուժի միջոցով» սկզբունքին:
Նշվում է նաև, որ ցանկացած խաղաղ բանակցություն պետք է տեղի ունենա Ուկրաինայի մասնակցությամբ և հարգելով իր ապագան որոշելու իրավունքը։
Թարգմանությունը՝ Տաթև Ֆռանգյանի
