07.05.2025 | 23:30
Ադրբեջանում բռնաճնշումները շարունակվում են․ անկախ լրագրողի և քաղակտիվիստի են ձերբակալել
Meta-ն համաձայնել է 25 միլիոն դոլար վճարել Թրամփին՝ Կապիտոլիումի գրոհից հետո նրա օգտահաշիվներն արգելափակելու համար
Քաղաքականություն
30.01.2025 | 16:42
Meta-ն համաձայնել է ԱՄՆ նախագահ Դոնալդ Թրամփին 25 միլիոն դոլար վճարել՝ 2021 թվականին նրա ֆեյսբուքյան և Instagram-ի էջերի արգելափակման հետ կապված հարցը լուծելու համար, գրում է The New York Times-ը։
Ըստ NYT-ի՝ 22 միլիոն դոլարը կուղղվի Թրամփի նախագահական գրադարանի ֆինանսավորմանը, իսկ մնացած 3 միլիոն դոլարը նախատեսված է հոգալու Թրամփի և դատավարությանը միացած մյուսների իրավական ծախսերը:
Միաժամանակ, Meta-ն հայցի շրջանակում խախտումները չի ընդունում։
NYT-ը նշում է, որ վճարելու հարցում Meta-ի համաձայնությունը «զգալի զիջում էր խոշոր տեխնոլոգիական ընկերության կողմից և հաղթանակ Թրամփի համար, որը նախկինում քննադատել էր սոցիալական մեդիայի հարթակներին գրաքննության համար»։
Թրամփի Facebook-ի և Instagram-ի էջերն արգելափակվել են 2021 թվականի հունվարի 7-ին՝ Կապիտոլիումի գրոհի հաջորդ օրը։ Meta-ի հիմնադիր Մարկ Ցուկերբերգն ասել է, որ հարթակներն օգտագործվել են «ժողովրդավարական ճանապարհով ընտրված կառավարության դեմ բռնի ապստամբություն հրահրելու համար»: Այդ ամռանն էլ Թրամփը դատական հայց է ներկայացրել կազմակերպության դեմ։
Թրամփի օգտահաշիվներն ապարգելափակվել են միայն 2023 թվականի փետրվարին։ Ավելի վաղ Meta-ի գլոբալ հարցերի նախագահ Նիք Քլեգն ասել էր, որ արգելափակումը կվերացվի 2024 թվականի նախագահական ընտրություններին մասնակցելու՝ Թրամփի պլանների պատճառով:
Թարգմանությունը՝ Տաթև Ֆռանգյանի
