09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Շվեդիայում սպանվել է Ղուրանի հրկիզման ակցիաների կազմակերպիչը
Քաղաքականություն
30.01.2025 | 18:10
Մահացել է իրաքցի ասորի փախստական Սալվան Մոմիկան, որը Շվեդիայում մի քանի անգամ Ղուրանի հրկիզման ակցիա է կազմակերպել, գրում է Business standard-ը։
Թեև դեռևս պաշտոնական տեղեկություն չկա, թե ինչպես է Մոմիկան մահացել, AP-ն հայտնել է, որ նա սպանվել է հրաձգության հետևանքով։
38-ամյա Մոմիկան միջազգային ուշադրություն էր գրավել 2023 թվականին՝ հանրային ցույցեր կազմակերպելու համար, որտեղ նա պղծում և այրում էր Ղուրանի պատճենները։ Գործողություններ, որոնք հանգեցրին դիվանագիտական լարվածության Շվեդիայի և մի շարք մահմեդական երկրների միջև, ինչպես նաև բազմաթիվ վայրերում անկարգությունների։
Նա հետաքննվում էր Շվեդիայի իշխանությունների կողմից՝ էթնիկ խմբերի դեմ բռնություն հրահրելու համար: Դատավճիռը, որը պետք է հրապարակվեր հինգշաբթի առավոտյան Մոմիկայի ու ևս մեկ տղամարդու գործով, հետաձգվել է, երբ դատավորը հաստատել է Մոմիկայի մահը:
Ոստիկանությունը նշում է, որ իրենք տեղեկություն են ստացել չորեքշաբթի երեկոյան Ստոկհոլմի մերձակայքում գտնվող Սոդերտալյե քաղաքում տեղի ունեցած հրաձգության մասին և հայտնաբերել հրազենային վնասվածքներով տղամարդու։ Շվեդական SVT հեռարձակողը, առանց աղբյուրների նշելու, հայտնել է, որ սպանվածը Մոմիկան է։
Թարգմանությունը՝ Էմմա Չոբանյանի
