07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Ասադի տապալումից հետո Թուրքիայից Սիրիա է վերադարձել ավելի քան 81 հազար փախստական
Քաղաքականություն
29.01.2025 | 18:46
2024 թվականի դեկտեմբերի 9-ից ի վեր, երբ Սիրիայում իշխանությունը փոխվեց ընդդիմության հարձակման արդյունքում, ավելի քան 81 հազար սիրիացիներ Թուրքիայից տուն են վերադարձել, հայտարարել է Թուրքիայի ներքին գործերի նախարար Ալի Երլիքայան։ Այսօր 4,1 միլիոն օտարերկրացիներից Թուրքիայում մնացել է 2,86 միլիոն սիրիացի փախստական, գրում է Turkiye gazetesi-ն։
Երլիքայան հայտնել է, որ 2017 թվականից ի վեր ինքնակամ Սիրիա է վերադարձել 821,529 մարդ։ Բացի սիրիացիներից՝ Թուրքիայում բնակության թույլտվություն ունեցող 1,06 մլն օտարերկրացի կա, միջազգային պաշտպանության տակ՝ 190 հազար մարդ։
Վերջին տարիներին, խորացող տնտեսական ճգնաժամի ֆոնին, Թուրքիայի քաղաքացիներն անկարգություններ են հրահրում՝ պահանջելով զսպել սիրիացի փախստականների հոսքը (նրանց թիվը Թուրքիայում գրեթե երկու անգամ ավելին է, քան Լիբանանում և ԵՄ երկրներում):
ՄԱԿ-ի տվյալներով՝ անցյալ տարվա սեպտեմբերից Սիրիա է վերադարձել ավելի քան կես միլիոն փախստական, որոնցից 200 հազարը՝ Բաշար Ասադի հրաժարականից հետո։ Մերձավոր Արևելքում ապրող միլիոնավոր սիրիացիների մոտ 30%-ը ցանկանում է վերադառնալ մեկ տարվա ընթացքում։
Թարգմանությունը՝ Տաթև Ֆռանգյանի
