05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Միքայել Արզումանյանի կալանքը ևս 3 ամսով երկարաձգվել է
Հասարակություն
29.01.2025 | 16:28
Պաշտպանության բանակի նախկին հրամանատար Միքայել Արզումանյանի կալանքի ժամկետը երկարաձգվել է ևս 3 ամսով։ Տեղեկությունը FactorTV-ի հետ զրույցում հաստատեց Բարձրագույն դատական խորհրդի մամուլի քարտուղար Մերի Գևորգյանը։
Հիշեցնենք` 2022 թվականի սեպտեմբերի 1-ին Գլխավոր դատախազությունը հաղորդագրություն տարածեց այն մասին, որ Արցախի ՊԲ նախկին հրամանատար, Արցախի նախագահի խորհրդական Միքայել Արզումանյանին մեղադրանք է ներկայացվել 2020 թվականի Արցախյան պատերազմի ընթացքում ռազմավարական կարևոր նշանակություն ունեցող «Արեգա» բարձունքը և հարակից մարտական դիրքերն ազատագրած անձնակազմին «նահանջ» հրաման տալու համար։
Նույն օրը Արզումանյանը կալանավորվեց և մինչ օրս նրա խափանման միջոցը չի փոխվել։ ՊԲ նախկին հրամանատարի մասով դատական նիստերը դռնփակ են անցկացվում, լրատվամիջոցները մինչ օրս որևէ տեղեկություն չեն կարողանում ստանալ գործից, պաշտպանական կողմը՝ հղում անելով նախաքննական և ռազմական գաղտնիքներին, մանրամասներ չի հաղորդում։
