10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Ալիևի օգնականը հայտարարել է, որ ադրբեջանական օդանավի կործանման հետաքննության արդյունքները կհրապարակվեն առաջիկայում
Քաղաքականություն
29.01.2025 | 14:42
Ղազախստանի Գլխավոր դատախազությունը շարունակում է հետաքննել Ակտաու քաղաքի մոտակայքում «Ադրբեջանական ավիաուղիներ»-ի (AZAL) մարդատար ինքնաթիռի վթարի պատճառները։ Այս մասին լրագրողներին հայտնել է Ղազախստանի գլխավոր դատախազի տեղակալ Գալիմժան Կոյգելդիեւը։
«Նախաքննությունը շարունակվում է, ամենափորձառու աշխատակիցներից ստեղծվել է քննչական խումբ, նշանակվել են փորձաքննություններ։ Դա հեշտ գործ չէ: Սպասում ենք արդյունքներին»,- ասել է նա։
Ադրբեջանի նախագահ Իլհամ Ալիևի օգնական Հիքմեթ Հաջիևն էլ ՏԱՍՍ-ին հայտնել է, որ ինքնաթիռի կործանման պատճառների հետաքննության արդյունքների մասին տեղեկատվությունը հանրությանը կտրամադրվի առաջիկայում։
«Ադրբեջանի համապատասխան կառույցները շարունակում են հետաքննել Ակտաու քաղաքի մերձակայքում AZAL-ի մարդատար ինքնաթիռի կործանման պատճառները։ Մենք կարծում ենք, որ առաջիկայում գործընկեր պետությունների հետ միասին հանրությանը կտրամադրենք մանրամասն տեղեկատվություն այդ հարցի վերաբերյալ»,- հայտարարել է Հաջիևը։
Հավելենք, որ Ղազախստանի փոխվարչապետ Կանատ Բոզումբաևն օրերս ասել էր, որ այս շաբաթ կարող են հրապարակվել օդանավի կործանման հետաքննության նախնական արդյունքները։
Թարգմանությունը՝ Էմմա Չոբանյանի
