10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գավրիելյանին. ՏԵՍԱՆՅՈՒԹ
Սալոմե Զուրաբիշվիլին դիմել է Դոնալդ Թրամփին
Քաղաքականություն
27.01.2025 | 15:08
Վրաստանի նախկին նախագահ Սալոմե Զուրաբիշվիլին ԱՄՆ նախագահ Դոնալդ Թրամփին խնդրել է զբաղվել իր երկրով՝ Ռուսաստանին վնաս հասցնելու համար, գրում է The Hill-ը։
«Նրա գաղափարն այն է, որ ԱՄՆ-ը պետք է ճնշում գործադրի Ռուսաստանի վրա»,- ասվում է հրապարակման մեջ։
Նախկին նախագահը նշել է, որ Փարիզում Թրամփի հետ հանդիպման ժամանակ նրան ասել է, որ Վրաստանը ռազմավարական տարածաշրջան է, որի մասին ԱՄՆ-ը չպետք է մոռանա։ Նա հավելել է, որ «Վաշինգտոնը չի կարող թույլ տալ, որ այս շրջանն անցնի Մոսկվային»։
Զուրաբիշվիլին չի ճանաչում Վրաստանի ներկայիս իշխանությունների, այդ թվում՝ նախագահ Միխեիլ Ղավելաշվիլիի լեգիտիմությունը, որի երդմնակալությունը տեղի է ունեցել դեկտեմբերի 29-ին։ Դեկտեմբերի վերջին նա լրագրողներին է ներկայացրել իր նոր գրասենյակը Թբիլիսիում և ասել, որ այնտեղից «կշարունակի կատարել նախագահի գործառույթները»։
Անցյալ շաբաթ ՌԴ արտգործնախարար Սերգեյ Լավրովը հայտարարել էր, որ Վրաստանի հետ հարաբերությունները կարգավորելու հարցում Մոսկվան պատրաստ է գնալ այնքան հեռու, որքան պատրաստ է Թբիլիսին։
Թարգմանությունը՝ Տաթև Ֆռանգյանի
