06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Վերակառուցման և զարգացման միջազգային բանկը Հայաստանին կտրամադրի 40 մլն դոլարի վարկ
Տնտեսություն
22.01.2025 | 15:32
Վերակառուցման զարգացման միջազգային բանկը Հայաստանին կտրամադրի 40 մլն դոլարի վարկ՝ հանրապետության էներգետիկ ենթակառուցվածքների արդիականացման համար։ Այս մասին Ազգային ժողովի նիստում վարկային համաձայնագրի վավերացման հարցի քննարկման ժամանակ հայտնեց Տարածքային կառավարման և ենթակառուցվածքների փոխնախարար Քրիստինե Ղալեչյանը։
Փոխնախարարը նշեց, որ համաձայնագիրը ստորագրվել է 2024թ. օգոստոսին։
Ղալեչյանը նշեց, որ ծրագրի նպատակը վերականգնվող էներգիան զարգացնելն է՝ դրա ծավալներն ընդլայնելու և այն էլեկտրացանցին ինտեգրելու միջոցով, արդիականացնելով էներգետիկ ենթակառուցվածքը, ապահովելով դրա հուսալիությունն ու կայունությունը և բարձրացնելով էլեկտրաէներգիայի փոխանցման ընկերության առևտրային կենսունակությունը:
Ծրագրի շրջանակներում նախատեսվում է վերակառուցել «Շահումյան-2» , «Մարաշ» և «Եղեգնաձոր» ենթակայանները։
«Ենթակայանների երկաթբետոնե կոնստրուկցիաները 40 տարուց ավելի շահագործումից հետո դարձել են անօգտագործելի, իսկ մալուխային խրամուղիները գտնվում են ծայրահեղ անմխիթար վիճակում։ Չի ապահովվում մալուխների ջրամեկուսացումը, ինչն իր հերթին հանգեցնում է մալուխների մեկուսիչ շերտի քայքայման և վթարների առաջացման»,- ասաց փոխնախարարը։
