11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԶԼՄ-ներին հայտնի է դարձել, թե ինչ հրամաններ է ստորագրելու Թրամփը երդմնակալությունից հետո
Քաղաքականություն
20.01.2025 | 23:30
ԱՄՆ նորընտիր նախագահ Դոնալդ Թրամփը երդմնակալության օրը մի շարք հրամաններ կստորագրի, հաղորդում են մի քանի լրատվամիջոցներ՝ վկայակոչելով գալիք վարչակազմի երկու բարձրաստիճան պաշտոնյաների:
Reuters-ը հայտնել է, որ Թրամփը նախատեսում է վերականգնել մահապատիժը դաշնային մակարդակով, որի մորատորիումը մտցվել էր ԱՄՆ հեռացող առաջնորդ Ջո Բայդենի օրոք։
Բացի այդ, ինչպես գրում է New York Post-ը, նորընտիր նախագահը կարգադրելու է Մեքսիկական ծոցը վերանվանել Ամերիկայի ծոց։
«Թրամփը կարգադրել է Մեքսիկայի ծոցը և Ալյասկայի Դենալի լեռը անվանափոխել 47-րդ նախագահ դառնալուց հետո։ Մեքսիկական ծոցը կվերանվանվի Ամերիկայի ծոց, իսկ Դենալին՝ Հյուսիսային Ամերիկայի ամենաբարձր լեռանը, կվերադառնա իր նախկին անունը՝ Մաունթ ՄաքՔինլի»,- նշվում է հոդվածում։
Հունվարի սկզբին CNN-ը հայտնել էր, որ երդմնակալությունից հետո Սպիտակ տան նոր ղեկավարը կարող է երկրում արտակարգ տնտեսական դրություն հայտարարել՝ ներմուծման համար մաքսատուրքեր սահմանելու նպատակով։ Միաժամանակ, ըստ AP գործակալության, նա նախատեսում է առաջին իսկ օրը ստորագրել իր 100 հրամանագրերից շատերը, այդ թվում՝ միգրացիոն քաղաքականության խստացման ու սահմանների ուժեղացման մասին։
Թարգմանությունը՝ Տաթև Ֆռանգյանի
