11.08.2026 | 18:30
Սպասվում է անձրև և ամպրոպ. առաջիկա օրերի եղանակի կանխատեսումը
«Հայաստան» համահայկական հիմնադրամը նոր տնօրեն ունի
24.09.2018 | 15:00
«Հայաստան» համահայկական հիմնադրամի տնօրենի պաշտոնում է նշանակվել Հայկակ Արշամյանը: Լուրը Factor.am-ի հետ զրույցում հաստատեցին «Հայաստան» համահայկական հիմնադրամի PR բաժնից․ «Հոգաբարձուների խորհուրդը հաստատել է Հայկակ Արշամյանի թեկնածությունը, այլ մանրամասներ կհաղորդենք ավելի ուշ»։
Հիշեցնենք, որ հիմադրամի նախկին տնօրեն Արա Վարդանյանը ձերբակալվել էր հուլիսի 2-ին հասարակական կազմակերպության ծառայողի կողմից լիազորությունները չարաշահելու կասկածանքով: Արա Վարդանյանին նույն հոդվածով մեղադրանք է առաջադրվել, որում սակայն ինքը իրեն մեղավոր չի ճանաչում: Նա գրավի դիմաց ազատ է արձակվել։
Նշենք, որ Հայկակ Արշամյանը 2015-2016 թթ. եղել է «Երևանի մամուլի ակումբ» ՀԿ-ի ծրագրերի համակարգող։ 2016-2018 թթ. «Թրանսփարենսի Ինթերնեշնլ հակակոռուպցիոն կենտրոն» ՀԿ-ի հաղորդակցության և ջատագովության համակարգող , իսկ այս տարի հուլիսի 2-ին նշանակվել է Վարչապետի խորհրդական։
