08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լավրովն ԱՄՆ-ին մեղադրել է ««Թուրքական հոսքը» շարքից դուրս բերելու ցանկության» մեջ
Քաղաքականություն
14.01.2025 | 16:15
ՌԴ արտաքին գործերի նախարար Սերգեյ Լավրովը հայտարարել է, թե ԱՄՆ-ը հավանություն է տալիս էներգետիկ ենթակառուցվածքների դեմ ահաբեկչական հարձակումներին՝ մրցակցությունից խուսափելու համար։ Նրա խոսքով՝ դրա հետ կապված՝ «Վաշինգտոնն Ուկրաինային դրդում է շարքից հանել «Թուրքական հոսքը»», փոխանցում է Կոմերսանտը։
«Ես շատ ամուր համոզմունք ունեմ, որ ԱՄՆ-ին որևէ մրցակից պետք չէ որևէ ոլորտում՝ սկսած էներգետիկայից, որտեղ նրանք առանց վարանելու թույլ են տալիս ահաբեկչական գործողություններ իրականացնել՝ ոչնչացնելով ԵՄ էներգետիկ բարեկեցության հիմքերը, որտեղ նրանք հրահրում են իրենց ուկրաինացի հաճախորդներին, որ հիմա էլ, «Հյուսիսային հոսքից» հետո, շարքից հանեն «Թուրքական հոսքը»»,- ասել է Սերգեյ Լավրովը տարեկան ամփոփիչ ասուլիսում։
Հիշեցնենք, որ նախօրեին էլ ՌԴ-ն հայտարարել էր, թե ուկրաինական անօդաչու թռչող սարքերը փորձել են գրոհել Կրասնոդարի երկրամասում գտնվող «Ռուսսկայա» կոմպրեսորային կայանի ենթակառուցվածքը, որը գազ է մատակարարում «Թուրքական հոսք» խողովակաշարով։
Թարգմանությունը՝ Էմմա Չոբանյանի
