08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Սիրիայի նոր իշխանությունները թույլատրել են արտասահմանյան ապրանքներ ներմուծել
Քաղաքականություն
13.01.2025 | 20:47
Սիրիայում նախկին նախագահ Բաշար Ասադի վարչակարգի տապալումից հետո նոր իշխանությունները վերացրել են երկիր օտարերկրյա ապրանքների ներմուծման սահմանափակումները, գրում է Financial Times-ը։
Հաղորդվում է, որ սիրիական խանութների դարակաշարերում հայտնվել են ներկրված ապրանքներ՝ Pepsi, Pringles չիփսեր, Twix և Snickers, Heinz կետչուպ, լիբանանյան բանան և այլն։
Բաշար Ասադի իշխանության օրոք օտարերկրյա ապրանքների ներմուծումը սահմանափակվել կամ արգելվել է տեղական արտադրողներին աջակցելու համար և արտարժույթի պակասի պատճառով՝ 2013-ին քաղաքացիական պատերազմի սկսվելուց հետո Սիրիայի դեմ սահմանված միջազգային պատժամիջոցների հետևանքով: Բազմաթիվ արտասահմանյան ապրանքներ արտադրվել են Սիրիայում՝ հարևան Լիբանանի ընկերությունների հետ համատեղ կամ այլ անվանումներով։
Բացի այդ, Ասադի կառավարման ժամանակ ավելի բարձր մաքսատուրքեր են սահմանվել ներմուծվող որոշ ապրանքների համար՝ բյուջեի եկամուտներն ավելացնելու նպատակով։ Օրինակ, վերջին iPhone-ների մաքսատուրքն անցյալ տարի կազմում էր մինչև 900 դոլար՝ մեկ միավորի համար:
Թարգմանությունը՝ Տաթև Ֆռանգյանի
