29.04.2026 | 15:55
Պատասխաններն անսպասելի են. Վարդապետյանը` Աբրահամյանի տան վաճառքի, Նարեկ Նալբանդյանի հյուրանոցի մասին. ՏԵՍԱՆՅՈՒԹ
Լևոն Մկրտչյանը հայտարարում է՝ նախագահի լուսանկարը դպրոցներում փակցնելու ավանդույթը չի վերանայվի
Տեսանյութեր
13.07.2017 | 14:35
Հայաստանի Հանրապետության նախագահը սիմվոլներից մեկն է և նրա լուսանկարը միշտ փակցվել է դպրոցներում, ինչպես մնացած սիմվոլները: Այս մասին Կառավարության նիստից հետո լրագրողներին ասաց Կրթության և գիտության նախարար Լևոն Մկրտչյանը՝ անդրադառնալով հարցին՝ արդյոք Սերժ Սարգսյանի լուսանկարը դպրոցներում փակցնելու համար 15 միլիոն դրամը շատ չէ՞ և հնարավոր չէ՞ այդ գումարը վերանայել:
«Հայաստանի Հանրապետության նախագահի, ոչ թե Սերժ Սարգսյանի»,- ի պատասխան նկատեց նախարարը, ապա հավելեց, որ չեն պատրաստվում վերանայել նախագահի լուսանկարը դպրոցներում փակցնելու ավանդույթը, քանի որ դա ընդունված է աշխարհի բոլոր երկրներում: ՀԻշեցնենք, որ Գյումրու ժուռնալիստների «Ասպարեզ» ակումբի ղեկավար Լեւոն Բարսեղյանն օրերս բարձրաձայնել էր, որ Սերժի Սարգսյանի նկարները իրենց պատերին փակցնելու համար Հայաստանի դպրոցները ծախսել են առնվազն 15 միլիոն դրամ։
Մանրամասները՝ տեսանյութում:
Շողիկ Գալստյան
