16.12.2025 | 14:07
Քննարկում չկա. Ռուբինյանը` նոր երկաթգիծը ՌԴ-ի կողմից շահագործելու մասին․ ՏԵՍԱՆՅՈՒԹ
Ինտերպոլը մերժել է Արցախ այցելելու համար եվրապատգամավորին ձերբակալելու Ադրբեջանի պահանջը
Քաղաքականություն
13.07.2017 | 14:48
Ինտերպոլը մերժել է Եվրախորհրդարանի չեխ անդամին ձերբակալելու Ադրբեջանի պահանջը. գրում է The Armenian Weekly-ն՝ վկայակոչելով Czech Radio-ին:
Ադրբեջանի ղեկավարության պահանջը ներկայացվել է փետրվարին՝ պայմանավորված եվրապատգամավոր Յարոմիր Շտետինայի՝ Արցախ կատարած այցով, որի ժամանակ Շտետինան քննադատել էր Ադրբեջանի իշխանություններին:
Ադրբեջանն իր պահանջը հիմնավորում է՝ նշելով, որ եվրապատգամավորի խոսքերը նպաստել են ղարաբաղյան հակամարտության հարցում լարվածության սրմանը: Իսկ չեխական կողմը նշում է, որ ձերբակալման պահանջն ուղղված է միջազգային փորձագետներին վախեցնելուն, որպեսզի նրանք Ադրբեջանի կառավարության հասցեին քննադատական մեկնաբանություններ չանեն:
Նշենք, որ նախկինում Ադրբեջանը միջազգային ձերբակալության օրդեր էր պահանջել նաև եվրապատգամավորներ Ֆրանկ Էնգելի եւ Էլենի Թեոխարոսի համար. երկուս դեպքում էլ պատճառն արցախյան այցն է:
