07.10.2026 | 13:24
Մոսկվայում ԱՄՆ դեսպանատունն առողջապահական տագնապ է տարածել՝ ամերիկացիներին կոչ անելով չմեկնել ՌԴ
Անկարան արձագանքել է Սիրիայում Թուրքիայի հետ սահմանին ֆրանսիական զորքերի տեղակայման քրդերի կոչերին
Քաղաքականություն
10.01.2025 | 15:39
Թուրքիայի ԱԳ նախարար Հաքան Ֆիդանն Անկարայում տեղի ունեցած ասուլիսում անդրադարձել է PKK/YPG-ի՝ Սիրիայում Թուրքիայի հետ սահմանին ֆրանսիական զորքեր մտցնելու կոչին։
«Մենք, անկեղծ ասած, ուշադրություն չենք դարձնում այն երկրներին (նկատի ունի Ֆրանսիան), որոնք օգտագործում են Ամերիկայի իշխանությունը և թաքնվում դրա հետևում՝ իրենց շահերը [Սիրիայում] առաջ մղելու համար»,- ասել է Թուրքիայի ԱԳ նախարարը։
Նա նշել է, որ Ֆրանսիան պետք է վերադարձնի իր քաղաքացիներին, որոնք բանտարկվել են Սիրիայում՝ կապված ջիհադիստների գործունեության հետ, և նրանց դատարանի առաջ կանգնեցնի հայրենիքում։
«Եթե Ֆրանսիան կարողանար ինչ-որ բան անել, ապա պետք է տաներ իր քաղաքացիներին և դատեր»,- ասել է Ֆիդանը։
Նա Փարիզին մեղադրել է Սիրիայում Անկարայի անվտանգության մտահոգություններն անտեսելու մեջ՝ չվերադարձնելով Ֆրանսիայից ջիհադիստներին, այլ նրանց թողնելով խմբավորման հսկողության տակ, որին Թուրքիան համարում է ահաբեկչական սպառնալիք:
Ավելի վաղ տեղեկություններ էին տարածվել, որ քննարկումներ են ընթանում՝ արդյո՞ք ԱՄՆ-ի և Ֆրանսիայի զորքերը կարող են ապահովել սահմանային գոտու անվտանգությունը Սիրիայի հյուսիսում՝ թուրքական սահմանին, Թուրքիայի և Արևմուտքի կողմից աջակցվող սիրիական քրդական ուժերի միջև հակամարտությունը մեղմելու ջանքերի շրջանակում։
Թարգմանությունը՝ Էմմա Չոբանյանի
