07.10.2026 | 13:16
Վարդաձորի դպրոցում միջադեպը կուսումնասիրեն, ուսուցչուհուն կարող են զրկել մանկավարժական գործունեության իրավունքից
Բաքուն բողոք է հղել Մոսկվային Ալիևի հասցեին հնչեցված վիրավորական արտահայտությունների համար
Քաղաքականություն
10.01.2025 | 11:51
ՌԴ-ում Ադրբեջանի դեսպանատունը Ռուսաստանի Հանրային պալատին առընթեր համակարգող խորհրդի անդամ, քաղաքագետ Վլադիմիր Կարասևի վիրավորական հայտարարությունների առնչությամբ դիվանագիտական ուղիներով ռուսական կողմին տեղեկացրել է Ադրբեջանի նախագահ Իլհամ Ալիևի հասցեին վիրավորական հայտարարությունների անթույլատրելիության մասին։ Այս մասին ադրբեջանական Minval-ին հայտնել են Մոսկվայում Ադրբեջանի դեսպանատնից։
Դիվանագիտական ներկայացուցչությունը կոչ է արել ռուսական կողմին ապագայում կանխել նման դեպքերի կրկնությունը։
«Մենք շարունակում ենք հետևել իրավիճակին»,- ասել են դեսպանատնից։
Նշենք, որ Վլադիմիր Կարասևն Ադրբեջանի նախագահ Իլհամ Ալիևին վիրավորել էր «այն բանից հետո, երբ վերջինը հրապարակավ ՌԴ-ին մեղադրել էր «Ադրբեջանական ավիաուղիների» օդանավի կործանման համար։ Ըստ Կարասևի՝ Ալիևն իրավունք չունի նման տոնով դիմելու Ռուսաստանի իշխանություններին։
ՌԴ նախագահի մամուլի քարտուղար Դմիտրի Պեսկովն իր հերթին չէր մեկնաբանել Կարասևի՝ Ադրբեջանի նախագահին ուղղված խոսքերը։
«Մենք, անկեղծ ասած, չգիտնենք, ինչ բառերի մասին է խոսքը։ Չենք տեսել այդ խոսքերը, չենք լսել»,- նախօրեին ասել էր Պեսկովը։
Նա հավելել էր, որ երկրի արտաքին քաղաքականությունը ձևակերպվում և որոշվում է Ռուսաստանի նախագահի կողմից և իրականացվում է ԱԳՆ-ի և այլ գերատեսչությունների կողմից՝ արտաքին գործերի նախարարության համակարգմամբ։
Թարգմանությունը՝ Էմմա Չոբանյանի
