16.12.2025 | 17:35
ԲՏԱ նախարարի տեղակալն ընդունել է GIZ-ի ներկայացուցիչներին. քննարկվել են կիբեռանվտանգության ոլորտի առաջնահերթությունները
2024 թվականին Ռուսաստանից ավելի քան 80 հազար միգրանտ է արտաքսվել
Քաղաքականություն
08.01.2025 | 20:43
Մինչև 2024 թվականի դեկտեմբերի վերջն ավելի քան 80 հազար օտարերկրյա քաղաքացիներ և քաղաքացիություն չունեցող անձինք են արտաքսվել Ռուսաստանից՝ միգրացիոն կանոնները խախտելու համար, գրում է Meduza-ն։
ՏԱՍՍ-ը, վկայակոչելով Դաշնային հարկադիր կատարման ծառայության աղբյուրին, նշում է, որ 2024 թվականին Մոսկվայից և Մոսկվայի մարզից վտարվել է 23 հազար միգրանտ։ Դատարանները նրանց մեղավոր են ճանաչել Ռուսաստանի Դաշնություն մուտքի կամ երկրում գտնվելու կանոնների խախտման մեջ (վարչական օրենսգրքի 18.8-րդ հոդված): Այլ շրջանների տվյալները չեն հաղորդվում։
Համեմատության համար լրատվամիջոցը ներկայացնում է նախորդ տարիների միգրանտների արտաքսման տվյալները՝ չհստակեցնելով, թե որտեղից է դրանք ստացել։
Այսպես, 2023 թվականին Ռուսաստանից արտաքսվել է ավելի քան 44,2 հազար օտարերկրյա քաղաքացի և քաղաքացիություն չունեցող անձ, իսկ 2022 թվականին՝ 26,6 հազար միգրանտ։
ՌԴ գլխավոր դատական կարգադրիչ Դմիտրի Արիստովի խոսքով՝ 2017-2022 թվականներին Ռուսաստանից արտաքսվել է մոտ 200 հազար միգրանտ՝ միգրացիոն և աշխատանքային օրենսդրության խախտման համար։
Թարգմանությունը՝ Էմմա Չոբանյանի
