09.01.2025 | 11:43
ԵՄ առաքելությունը հունվարի 6-8-ը պարեկություն է իրականացրել Սյունիքում․ իրավիճակը հանգիստ է գնահատում
Ալիևը հայտարարել է, որ ՀՀ-ի հետ սահմանազատման հանձնաժողովի հերթական հանդիպումը տեղի կունենա հունվարին
Քաղաքականություն
07.01.2025 | 22:19
Հայաստան-Ադրբեջան սահմանազատման հանձնաժողովների հաջորդ հանդիպումը տեղի կունենա այս ամիս։ Այս մասին հայտարարել է Ադրբեջանի նախագահ Իլհամ Ալիևը տեղական հեռուստաալիքներին տված հարցազրույցում։
«Ադրբեջանի և Հայաստանի միջև սահմանի սահմանազատման հարցերով հանձնաժողովների հերթական նիստը պետք է տեղի կունենա հունվարին։ Համենայն դեպս, մենք այդպես ենք առաջարկել»,- ասել է Ալիևը։
Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի տասներորդ հանդիպումը՝ ՀՀ փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի նախագահությամբ, տեղի է ունեցել 2024թ. նոյեմբերի 1-ին՝ Հայաստանի և Ադրբեջանի սահմանին։
Թարգմանությունը՝ Էմմա Չոբանյանի
