22.06.2026 | 11:39
Իրանում ՀՀ դեսպանը քննարկել է հայ-իրանական փոստային համագործակցության ընդլայնման հարցեր
Վրաստանի խորհրդարանի նախագահը Մակրոնին «խորհուրդ է տվել» հրաժարական ներկայացնել
Քաղաքականություն
07.01.2025 | 18:41
Վրաստանի խորհրդարանի նախագահ Շալվա Պապուաշվիլին կարծում է, որ Ֆրանսիայի նախագահ Էմանուել Մակրոնը պետք է երկրում նոր նախագահական ընտրություններ նշանակի։ Ըստ նրա՝ դա կարող է օգնել կարգավորել քաղաքական ճգնաժամը Ֆրանսիայում։
«Ես չեմ պատրաստվում միջամտել Ֆրանսիայի ներքին գործերին, բայց հաշվի առնելով, որ ֆրանսիացիների 61%-ը պաշտպանում է նախագահ Մակրոնի հրաժարականը, իսկ 50%-ը ցանկանում է արձակել Ազգային ժողովը, նոր ընտրությունները կարող են լավ լուծում լինել քաղաքական ճգնաժամից դուրս գալու համար»,- գրել է վրացի քաղաքական գործիչը X սոցիալական ցանցում։
Մակրոնը հունվարի 6-ին դեսպանների հետ ավանդական հանդիպման ժամանակ ասել է, որ Ռուսաստանը «շատ ավելի ագրեսիվ» է դարձել հարևան երկրների նկատմամբ և փորձել է ապակայունացնել Վրաստանում ընտրական գործընթացը։
Վրաստանի վարչապետ Իրակլի Կոբախիձեն Ֆրանսիայի նախագահի խոսքերը սուտ է անվանել և նրան խորհուրդ տվել հետևել Ուկրաինային, որը «զոհաբերվել է ոչնչացնելու նպատակով»։
Դեկտեմբերի 23-ին Ֆրանսիան հայտարարեց նոր կառավարության կազմը՝ Ֆրանսուա Բայրուի վարչապետ նշանակվելուց հետո։ Շատերը պահպանել են իրենց պաշտոնները կամ տեղափոխվել այլ գերատեսչություններ։ Միաժամանակ, մի շարք ընդդիմադիր կուսակցություններ հրաժարվել են ներառվել կառավարության կազմում, այդ թվում՝ LFI-ը և սոցիալիստները (PS):
Թարգմանությունը՝ Տաթև Ֆռանգյանի
