30.04.2026 | 18:19
ԱԺ հանձնաժողովը դրական եզրակացություն է տվել Արտաքին հետախուզության ծառայության մասին օրենքում փոփոխությունների նախագծին
Դամասկոսի օդանավակայանը մեկամսյա դադարից հետո վերականգնել է աշխատանքը
Քաղաքականություն
07.01.2025 | 20:28
Անցած ամիս Սիրիայի արդեն նախկին նախագահ Բաշար Ասադի տապալումից հետո մայրաքաղաքի օդանավակայանն առաջին միջազգային չվերթն է ընդունել, գրում է Middle East Eye-ը։
AFP-ի հաղորդմամբ՝ Կատարից օդանավը վայրէջք է կատարել Դամասկոսի միջազգային օդանավակայանում ժամը 13:00-ի սահմաններում՝ դառնալով առաջինը Պարսից ծոցի երկրներից վերջին 13 տարվա ընթացքում։ Տեղական ժամանակով ժամը 11:45-ի սահմաններում Սիրիական ավիաուղիների ինքնաթիռն էլ մեկնել է ԱՄԷ Շարժա քաղաք:
«Այսօր նոր սկիզբ է»,- AFP-ին ասել է օդանավակայանի տնօրեն Անիս Ֆալլուհը։
Սիրիական ինքնաթիռները ներկվել են նոր ազգային դրոշի գույներով՝ փոխարինելով Ասադի օրոք օգտագործվող դրոշին։
Սա առաջին միջազգային առևտրային թռիչքն է դեկտեմբերի 8-ից ի վեր, երբ Դամասկոսը գրավել էին Հայաթ Թահրիր ալ-Շամի (HTS) գլխավորած զինված խմբավորումները:
Միաժամանակ, նշվում է, որ կիրակի Կատար կատարած այցի ժամանակ Սիրիայի նոր արտգործնախարարն ասել է, որ ԱՄՆ պատժամիջոցները, որոնք կիրառվել են նախկին կառավարության օրոք, խոչընդոտում են երկար տարիների հակամարտությունից հետո արագ վերականգնվելու՝ երկրի կարողությանը՝ Վաշինգտոնին կոչ անելով վերացնել դրանք:
Հավելենք, որ ԱՄՆ-ը ժամանակավորապես մեղմացրել է պատժամիջոցները Սիրիայում կառավարական կառույցների հետ գործարքների համար Բաշար Ասադի կառավարման ավարտից հետո՝ մարդասիրական օգնության հոսքն ապահովելու համար։
Թարգմանությունը՝ Էմմա Չոբանյանի
