09.01.2025 | 09:40
Լոս Անջելեսում հրդեհի հետևանքով հարյուրավոր հայեր կորցրել են իրենց բնակարանները․ ՏԵՍԱՆՅՈՒԹ
Բռնցքամարտի հավաքականի անդամները կրկին պրոֆեսիոնալ ռինգ դուրս կգան
07.01.2025 | 14:23
Հայաստանի բռնցքամարտի ֆեդերացիայի և IBA-ի գործակցության շնորհիվ` հունվարի 17-ին Կարեն Դեմիրճյանի անվան մարզահամերգային համալիրում 2-րդ անգամ տեղի կունենա «Ночь чемпионов IBA» պրոֆեսիոնալ բռնցքամարտի երեկոն, որի ընթացքում ռինգ դուրս կգան նաև հայ բռնցքամարտիկները․ տեղեկացնում են Հայաստանի բռնցքամարտի ֆեդերացիայից։
Օլիմպիական խաղերի մասնակից Դավիթ Չալոյանը գերծանր քաշային կարգի IBA-ի «Ուժեղագույն ընտրանու» 1/4 եզրափակիչի շրջանակում կմրցի կուբացի Լենիեր Պերոյի հետ։ Պրոֆեսիոնալ մենամարտեր կանցկացնեն նաև Նարեկ Մանասյանը, Արթուր Բազեյանը, Արարատ Հարությունյանը, Գուրգեն Մադոյանն ու Կարեն Տոնականյանը։ Երեկոյի գլխավոր մենամարտում կխաղարկվի նաև WBA Ասիայի չեմպիոնական գոտին, որի ժամանակ կմրցեն Ռուսաստանը ներկայացնող Պավել Սոսուլինն ու Ֆիլիպինցի Կառլո Բակարոն։
