08.10.2026 | 19:43
Ժամանակավորապես կփակվի Դսեղ-Մարց ավտոճանապարհի մի հատվածը
Թրյուդոն կարող է հեռանալ Կանադայի Լիբերալ կուսակցության առաջնորդի պաշտոնից. Globe and Mail
Քաղաքականություն
06.01.2025 | 13:44
Կանադայի վարչապետ Ջասթին Թրյուդոն շուտով կարող է հայտարարել իշխող Լիբերալ կուսակցության նախագահի պաշտոնից հեռանալու մասին։ Այս մասին կանադական Globe and Mail թերթին հայտնել են անանուն աղբյուրները։ Հստակ օրը հայտնի չէ, սակայն ենթադրվում է, որ դա տեղի կունենա ղեկավարության հետ կուսակցության ակտիվիստների հանդիպմանը, որը նախատեսված է հունվարի 8-ին։
«Պարոն Թրյուդոն կարող է հայտարարել կուսակցության ղեկավարի պաշտոնից իր հրաժարականի մասին արդեն երկուշաբթի օրը», – ասել են երեք աղբյուրներ։ Լիբերալ կուսակցության գործադիր կոմիտեի նիստը նախատեսվում է այս շաբաթ:
«Դեռևս պարզ չէ՝ նա (Ջասթին Թրյուդոն) անմիջապես կհեռանա՞, թե կմնա վարչապետ, քանի դեռ նոր ղեկավար չի ընտրվել»,- նշել են աղբյուրները։
Ավելի վաղ CBC-ն հայտնել էր, որ ավելի քան 50 լիբերալ պատգամավորներ հանդես են եկել կուսակցության ղեկավար կազմը փոխելու օգտին, սակայն միայն 21 պատգամավոր է հրապարակայնորեն արտահայտել իր կարծիքը։ Նոր Դեմոկրատական կուսակցության առաջնորդ Ջագմեթ Սինգհը նույնպես կոչ է արել վարչապետին հեռանալ և վստահության քվե է հայտնել Համայնքների պալատի հաջորդ նիստում, որն այժմ ունի 153 լիբերալ պատգամավոր։
Կանադայում քաղաքական իրավիճակը շարունակում է լարված մնալ այն բանից հետո, երբ ֆինանսների նախարար Քրիստիա Ֆրիլանդը հրաժարական է տվել Թրյուդոյի արտաքին տնտեսական քաղաքականության հետ անհամաձայնության պատճառով:
Թարգմանությունը՝ Տաթև Ֆռանգյանի
