10.08.2026 | 22:26
Սևանա լճի մակարդակը հունվարի 1-ի համեմատ բարձր է 52 սմ-ով
Ալիևն իր ամանորյա ուղերձում հայտարարել է, թե «Հայաստանի սպառազինման լայնածավալ արշավը սպառնալիք է տարածաշրջանի համար»
Քաղաքականություն
01.01.2025 | 14:41
Հայաստանի սպառազինության լայնածավալ արշավը տարածաշրջանի համար սպառնալիքի հերթական աղբյուրն է։ Այս մասին հայտարարել է Ադրբեջանի նախագահ Իլհամ Ալիեւը Նոր տարվա ուղերձում։
«Եթե խոսենք այս տարվա մեզ համար ամենատագնապալի պահի մասին, ապա դա, իհարկե, Հայաստանի սպառազինումն է։ Սա տրամաբանական բացատրություն չունի։ Ես նրանց բազմիցս զգուշացրել եմ թե՛ իմ պաշտոնական հայտարարություններում, թե՛ հայկական կողմի հետ մեր բանակցությունների ընթացքում՝ խուսափել այս վտանգավոր ճանապարհից։ Հայաստանի լայնածավալ և արագացված սպառազինումը, նրան մահաբեր զենքի մատակարարումը կարող է խաթարել այս խաղաղությունը, խաղաղություն, որը հնարավոր է»,- ասել է Ալիևը՝ հավելելով, թե տարածաշրջանում, իբր, ոչ մի ուժ չի կարող իրենց հետ մրցել ռազմական ոլորտում։
Նա հայտարարել է, թե հաշվի առնելով Հայաստանի սպառազինումը՝ Բաքուն մեծացրել է հաջորդ տարվա ռազմական բյուջեն. այն հասել է ռեկորդային մակարդակի՝ մինչև 8,4 մլրդ մանաթի, հակառակ դեպքում, ըստ Ադրբեջանի նախագահը, այդ գումարի կեսը կուղղվեր այլ ոլորտներին, սոցիալական խնդիրների լուծմանը։
Թարգմանությունը՝ Էմմա Չոբանյանի
