10.08.2026 | 20:50
Միաձայն կողմ էին ընդդիմությունն ու իշխանությունը․ ԱԺ Էթիկայի հանձնաժողով ստեղծվեց. ՏԵՍԱՆՅՈՒԹ
Կրեմլն արձագանքել է օդանավի խոցման համար Ադրբեջանից ներողություն խնդրելու պահանջներին
Քաղաքականություն
27.12.2024 | 14:35
Կրեմլում տեղյակ են Բաքվից հնչող հայտարարություններից այն մասին, որ Ռուսաստանը պետք է ներողություն խնդրի հակաօդային պաշտպանության միջոցների կողմից ադրբեջանական ինքնաթիռի խոցման համար, սակայն դեռևս չեն մեկնաբանում այս իրավիճակը, քանի չի ավարտվել ավիաաղետի պատճառների հետաքննությունը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է «Ինտերֆաքսը»։
«Իհարկե, մենք տեսել ենք, սակայն ոչինչ չունեմ ավելացնելու նրան, ինչ արդեն ասել եմ»,- ասել է Պեսկովը՝ պատասխանելով հարցին՝ արդյո՞ք Կրեմլը տեսել է ադրբեջանցի պատգամավոր Ռասիմ Մուսաբեկովի հայտարարությունը։
«Այս ավիացիոն միջադեպի հետաքննություն է ընթանում, և նախքան եզրակացությունները, որոնք արվելու են հետաքննության արդյունքների հիման վրա, մենք մեզ իրավասու չենք համարում որևէ գնահատական տալ և չենք անելու։ Մենք ունենք մեր ավիացիոն իշխանությունները, որոնք կարող են դա անել, և այդ տեղեկությունը կարող է լինել միայն նրանցից»,- ընդգծել է Կրեմլի խոսնակը։
Հիշեցնենք, որ Ադրբեջանի խորհրդարանի պատգամավոր Ռասիմ Մուսաբեկովը հայտարարել էր, որ ռուսական կողմը պետք է ներողություն խնդրի ադրբեջանական քաղաքացիական օդանավի վրա հակաօդային պաշտպանության միջոցներով հարձակման համար ու փոխհատուցում վճարի։
Թարգմանությունը՝ Էմմա Չոբանյանի
