30.04.2026 | 11:17
Թրամփը սպառնում է կրճատել ամերիկյան զորքերի թիվը Գերմանիային
Ադրբեջանում ցամաքային սահմանները փակ կմնան մինչև 2025թ. ապրիլ․ COVID-ի կարանտինային ռեժիմը կրկին երկարաձգվել է
Քաղաքականություն
27.12.2024 | 22:44
Ադրբեջանի իշխանությունները դարձյալ երկարաձգել են կորոնավիրսուսի համավարակով պայմանավորված հատուկ կարանտինային ռեժիմը։ Կորոնավիրուսային վարակի (COVID-19) տարածումը կանխելու նպատակով Ադրբեջանի տարածքում հատուկ կարանտինային ռեժիմի ժամկետը երկարացվել է մինչև 2025 թվականի ապրիլի 1-ի ժամը 06:00-ն։
Ադրբեջանական լրատվամիջոցների հաղորդմամբ՝ համապատասխան որոշումն ընդունվել է Նախարարների կաբինետի կողմից, հրամանագիրն էլ ստորագրել է վարչապետ Ալի Ասադովը։
Հիշեցնենք, որ սեպտեմբերին ցամաքային սահմանների համար հատուկ կարանտինային ռեժիմի տևողությունը երկարացվել էր մինչև 2025 թվականի հունվարի 1-ը։
Ադրբեջանը կորոնավիրուսի համավարակի պատճառով 2020 թվականի մարտից կարանտինային ռեժիմում է, չորս տարի է՝ երկրի ցամաքային սահմանները փակ են։ Չնայած Առողջապահության համաշխարհային կազմակերպությունը հայտարարել է աշխարհում COVID-19-ի համաճարակի ավարտի մասին՝ աշխարհի բոլոր երկրները դուրս են եկել կարանտինային ռեժիմից, Ադրբեջանում այն պարբերաբար երկարաձգվում է, թեև համաճարակի հետ կապված բոլոր սահմանափակումները հանվել են։
Սեպտեմբերի 23-ին, ելույթ ունենալով 7-րդ գումարման խորհրդարանի առաջին նիստում, Ադրբեջանի նախագահ Իլհամ Ալիևը փակ սահմանների պահպանումը բացատրել էր արտաքին սպառնալիքներով։
«Այն, որ վերջին տարիներին մեր ցամաքային սահմանները փակ են մնում, մեզ փրկել է շատ մեծ աղետներից։ Այսօր էլ, երբ սահմանները փակ են մնում, վտանգավոր գործողություններ են իրականացվում, որոնք կասեցվում են։ Ուստի սահմանների պաշտպանությունը մեզ կպաշտպանի արտաքին ռիսկերից»,- հայտարարել էր նա։
Երկրի ցամաքային սահմանների փակումը սոցցանցերի ադրբեջանական տիրույթում հատկապես ակտիվորեն քննարկվում է վերջին օրերին Բաքվից Գրոզնի թռչող ադբեջանական մարդատար օդանավի կործանման պատճառով։ Ընդդիմադիրները նշում են, որ փակ սահմանենրի պատճառով մարդիկ ստիպված օգտվել ինքնաթիռներից։
Թարգմանությունը՝ Էմմա Չոբանյանի
