Քաղաքականություն
26.12.2024 | 21:29
Ղազախստանի Ակտաու քաղաքի օդանավակայանի մերձակայքում կործանված «Ադրբեջանական ավիաուղիներ»-ի օդանավը խոցվել է ռուսական հակաօդային պաշտպանության համակարգի կողմից։ Այս մասին Reuters-ին հայտնել են հետաքննությանը տեղյակ ադրբեջանական չորս աղբյուրներ։
Աղբյուրներից մեկը Reuters-ին հայտնել է՝ նախնական արդյունքները ցույց են տվել, որ օդանավը խոցվել է ռուսական Pantsir-S հակաօդային պաշտպանության համակարգի կողմից, և նրա հաղորդակցությունը կաթվածահար է եղել Գրոզնիին մոտենալու ժամանակ։
«Ոչ ոք չի պնդում, որ դա արվել է միտումնավոր, սակայն, հաշվի առնելով հաստատված փաստերը, Բաքուն ակնկալում է, որ ռուսական կողմը կխոստովանի ադրբեջանական օդանավը խոցելու փաստը»,- ասել է աղբյուրը։
Թարգմանությունը՝ Էմմա Չոբանյանի
