26.12.2024 | 17:24
Ադրբեջանական օդանավի կործանման պատճառը ռուսական հրթիռն է եղել․ Euronews
Սիրիայի ԱԳՆ-ն զգուշացրել է Իրանին՝ երկրում քաոս չտարածել
Քաղաքականություն
25.12.2024 | 16:46
Սիրիայի ժամանակավոր կառավարության նորանշանակ արտգործնախարար Ասադ Հասան ալ-Շիբանին զգուշացրել է Թեհրանին՝ «Սիրիայում քաոս չտարածել և հարգել երկրի ինքնիշխանությունն ու ժողովրդի կամքը, քանի որ Սիրիան շարժվում է Իրանի հետ հարաբերությունների նոր էջ», գրում է The National-ը։
«Իրանը պետք է հարգի Սիրիայի ժողովրդի կամքը և երկրի ինքնիշխանությունն ու անվտանգությունը։ Մենք զգուշացնում ենք նրանց՝ քաոս չտարածել Սիրիայում և պատասխանատվության ենթարկել վերջին հայտարարությունների համար»,- գրել է Շիբանին X-ի իր միկրոբլոգում։
Կիրակի հեռուստատեսային ելույթում Իրանի գերագույն առաջնորդ այաթոլլա Ալի Խամենեին սիրիացի երիտասարդներին կոչ էր արել «ամուր վճռականությամբ կանգնել նրանց դեմ, որոնք կազմակերպել և առաջացրել են այդ անապահովությունը»:
«Մենք կանխատեսում ենք, որ Սիրիայում նույնպես կհայտնվի ուժեղ և պատվաբեր խումբ, քանի որ այսօր սիրիացի երիտասարդները կորցնելու ոչինչ չունեն։ Նրանց դպրոցները, համալսարանները, տները և փողոցներն անվտանգ չեն»,- ասել էր Խամենեին:
Թարգմանությունը՝ Էմմա Չոբանյանի
