08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Պաղեստինցիների շրջանում զոհերի թիվն աճել է 2023 թվականի հոկտեմբերից
Քաղաքականություն
24.12.2024 | 23:06
Ավելի քան 45,300 պաղեստինցի է սպանվել Գազայի հատվածում իսրայելական ռազմական գործողությունների հետևանքով 2023 թվականի հոկտեմբերին անկլավում մարտերը սկսվելուց հետո: Այս մասին անկլավի առողջապահության նախարարությունը հայտնել է իր Telegram ալիքում, փոխանցում է ՏԱՍՍ-ը։
«Անցյալ տարվա հոկտեմբերից Գազայում իսրայելական գործողությունների զոհերի թիվը հասել է 45.338-ի, ևս 107.764 մարդ վիրավորվել է»,- ասվում է գերատեսչության զեկույցում։
Գազայի առողջապահության նախարարությունը շեշտում է, որ վերջին 24 ժամվա ընթացքում անկլավում 21 պաղեստինցի է զոհվել, 51-ը վիրավորվել է Իսրայելի հրետակոծությունների և ռմբակոծությունների հետևանքով։
Իրավիճակը Մերձավոր Արևելքում կտրուկ վատթարացել է 2023 թվականի հոկտեմբերի 7-ին Գազայի հատվածից Իսրայելի տարածք պաղեստինյան արմատական ՀԱՄԱՍ շարժման զինված աջակիցների ներթափանցումից հետո, որն ուղեկցվել է սահմանամերձ բնակավայրերի բնակիչների սպանություններով և ավելի քան 240 պատանդների բռնությամբ։
Ի պատասխան՝ Իսրայելը ռազմական գործողություն սկսեց անկլավում՝ նպատակ ունենալով ոչնչացնել ՀԱՄԱՍ-ի ռազմական և քաղաքական կառուցվածքը և ազատել բոլոր առևանգվածներին։ Գազայի հատվածում մարտերը շարունակվում են մինչ օրս։
Թարգմանությունը՝ Տաթև Ֆռանգյանի
