23.12.2024 | 21:10
«Դալալ» դարձած Հայաստան. ինչպես կոնյակ արտահանող երկիրը սկսեց ավտոմեքենա մատակարարել ռուսական շուկա
Հյուսիսային Կորեան պատրաստվում է լրացուցիչ զորքեր տեղափոխել Ռուսաստան
Քաղաքականություն
23.12.2024 | 12:34
Հյուսիսային Կորեան, ըստ երևույթին, պատրաստվում է լրացուցիչ զորքեր ուղարկել Ռուսաստան՝ Ուկրաինայի հետ պատերազմին մասնակցելու համար, ինչպես նաև ռազմական տեխնիկա, այդ թվում՝ կամիկաձե անօդաչու սարքեր։ Այս մասին հայտնում է Yonhap-ը՝ վկայակոչելով հարավկորեական զինվորականներին, փոխանցում է BBC-իի ռուսական ծառայությունը։
«Բազմաթիվ հետախուզական զեկույցների համալիր գնահատումը ցույց է տալիս, որ Հյուսիսային Կորեան պատրաստվում է ռոտացիայի ենթարկել կամ ավելացնել զորքերի տեղակայումը Ռուսաստանում»,- նշում է լրատվամիջոցը։
Հարավային Կորեայի հետախուզությունն ավելի վաղ Հյուսիսային Կորեայի ռազմական կորուստները պատերազմում գնահատել էր մոտավորապես 1100 մարդ։ Այս թիվը ներառում է և՛ սպանված զինվորներին (100), և՛ վիրավորներին:
«Կան նաև որոշ նշաններ, որ Հյուսիսային Կորեան անցնում է կամիկաձե անօդաչու թռչող սարքերի արտադրության և մատակարարման, ինչի մասին առաջին անգամ հաղորդվել է նոյեմբերին Կիմ Չեն Ընի կողմից ստուգման ժամանակ»,- ասվում է հայտարարության մեջ։
Ավելի վաղ հյուսիսկորեական ԶԼՄ-ները հայտնել էին, որ երկրի ղեկավար Կիմ Չեն Ընը նոյեմբերին դիտարկել է տարբեր տեսակի անօդաչու սարքերի փորձարկումը և հրահանգել դրանց լայնածավալ արտադրություն սկսել։
Թարգմանությունը՝ Էմմա Չոբանյանի
