08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կիմ Չեն Ընը հրահանգել է ԱԹՍ-ների զանգվածային արտադրություն սկսել
Քաղաքականություն
15.11.2024 | 17:26
Հյուսիսային Կորեայի առաջնորդ Կիմ Չեն Ընն անձամբ է վերահսկել նոր կամիկաձե հարվածային անօդաչու թռչող սարքերի փորձարկումը և հրահանգել է կարճ ժամանակում այդ զենքի զանգվածային արտադրություն սկսել։ Այս մասին հայտնել է Կորեայի կենտրոնական հեռագրային գործակալությունը, փոխանցում է DW-ի ռուսական ծառայությունը։
«Կիմն ընդգծել է սերիական արտադրության համակարգի հնարավորինս շուտ ստեղծման և լայնածավալ զանգվածային արտադրության անցնելու անհրաժեշտությունը»,- հաղորդում է գործակալությունը։
Հյուսիսային Կորեայի առաջնորդը նշել է, որ ամբողջ աշխարհում աճում է մրցակցությունը ռազմական անօդաչուների կիրառման հարցում։
Հավելենք, որ նոյեմբերի 11-ին Հյուսիսային Կորեան վավերացրել է Ռուսաստանի հետ Համապարփակ ռազմավարական գործընկերության պայմանագիրը։ Համապատասխան փաստաթուղթը ստորագրել է Կիմ Չեն Ինը։ Ռուսաստանն այն վավերացրել էր ավելի վաղ։
Միաժամանակ, ԱՄՆ Պետքարտուղարությունը հայտնում է, որ հյուսիսկորեացի զինվորներն արդեն մասնակցում են Ուկրաինայի դեմ պատերազմին։ Փհենյանի կողմից արևելյան Ռուսաստան ուղարկված ավելի քան 10 հազար զինվորականների մեծ մասն ուղարկվել է Կուրսկի շրջան։ Ըստ ամերիկյան կողմի՝ նրանք «սկսել են մարտական գործողություններին մասնակցել ռուսական զինված ուժերի հետ միասին»։
Թարգմանությունը՝ Էմմա Չոբանյանի
